ZONET thudawn danin IT lam hmanrua, laptop, tablet leh a anpui ang chi dawng thei turte hian an dawng vek lo emaw, a dawng tur ten sum an hman theih bithliah sang ber anga an lei kher lo emaw anih chuan pawisa sen ngai zat tur hi a hniam thei thung.
Sorkar hnathawk deputy Secretary chin chung lam te IT hmanrua leisak an nih tur thu hriattirna sorkarin a tih chhuahah chuan Category 1-ah chief secretary, additional chief secretary, principal secretary, commissioner leh secretary te dah an ni a, anni hian Rs 80,000 man aia to lo an lei thei dawn a, Category II-ah hian additional secretary, joint secretary, head of department te awmin Rs 60,000 man aia to lo an lei thei a, Category III-a awm Deputy secretary chin te awmin Rs 40,000 man aia to lo an lei thei dawn a ni.
SAD hnuaiah hian commissioner 7, secretary 15, additional secretary 8, joint secretary 21, special secretary 4, principal secretary 1, deputy secretary 27, under secretary 43, chief secretary pakhat leh additional chief secretary pakhat an awm. SAD hnuaia mi ni lo, IT hmanraw lei thei tur hi mi engemaw zat an awm bawk a ni.
Sorkar hnathawk hotu lian ten IT hmanraw an dawn tur chungchang hian sawizui a hlawh hle a, Political party \henkhat pawhin \ul loa sum khawh ralna nia an ngaih thu an sawi a ni.
