Sorkar tirha Mizoram Journalist Association member 10 Nagaland tlawha zin mek te chuan vawiin khan Nagaland Information & Public Relation Deptt. Director, Limawati chu an Deptt. Conference Hall-ah an kawm a, an inkawmnaah hian Mizoram Journalist ten Nagaland an tlawh chu lawmawm a tih thusawiin, an cham chhungin an hmuh duh leh hriat duh teah inthlahrung lo turin a hrilh a ni.

Kohima Press Club hotute pawhin Press Club an neih dan leh an hnathawh dan an hrilh a, Mizoram Journalist Association Secy., Zohmingmawia pawhin Mizorama MJA din a nih dan leh a \han chhoh zel dan te a tarlang a ni. Heng mite hi Information & Public Relation Deptt. Officer pahnihin an hruai a ni. MJA member Nagaland tlawhtute bakah hian Sikkim leh Kolkata tlawhtu team an awm a, Meghalaya tlawh tur team erawh chu an la chhuak lo a ni.