Aizawl khawpui chhung hmun hrang hrang fangkualtu Zonet palai chuan, lirthei intlanchhawkna dan thar hman a nih avang hian vawiin bikah chuan Aizawl khawpui chhung a thawl phah vak loh bakah Traffic Jam pawh a ziaawm lutuk lo tih a sawi a, hetihrual hian zingkar a\ang khan ruah a sur deuh reng a, ni dangah pawh zing kar a\anga ruah a sur chuan Traffic hi a Jam nasa zual deuh \hin a ni.
Zonet palai zawhna chhangin Aizawl khawpui chhunga Duty Traffic Police-te chuan, zing kar a\anga khua a chhiat chuan ni dangah pawh Traffic Jam hi a nasa hrim hrim niin an sawi a. Dan thar hman \an ni a nih avang hian an tlan loh ni tih hre lova tlan chhuak an awm nual a, dan thar hman a nih thu hre lo an la awm avangin luhlul chhuah vang emaw kawhmawh bawl hrim hrim emaw tih loh chu man kher lovin dan thar hman a nih thu leh ruahmanna kimchang an hrilhfiah hnuah an haw tir tih an sawi.
Ruahmanna thar ang hian Thawh\anni-ah lirthei registration number 1 leh 2 a tawp te an tlan thei lo a, Thawhlehni-ah registration 3 leh 4 a tawp te, Nilaini-ah registration 5 leh 6 a tawp te, Ningani-ah registration 7 leh 8 a tawp te leh Zirtawpni-ah registration 9 leh 0 a tawp te an tlan thei dawn lo a. Tlan chhuah phal loh hun hi zing dar 9 leh tlai dar 5:30 inkar a ni. Intlan chhawk hian mimal motor leh sorkar lirthei, two-wheeler zawng zawng leh bungraw phur lirthei zawng zawng a huam a, District dang leh State pawna lirthei register te, Private Motor leh Bungraw phur motor Aizawl khawpui chhunga awm leh lut tur te pawh a huam vek a ni.
Lirthei intlanchhawk hian Inrinni leh Pathianni bakah Sorkar chawlh ni te a huam dawn lo a, taxi bik chu Sticker A, B leh C hmanga intlanchhawk kalpui mek chu hman chhunzawm tur a ni a, Inrinni bikah chawhnu dar 1 a\angin Taxi-te hi an vaia tlan phalsak an ni.
Lirthei intlan chhawkna dan thar hman tur hi Ukil intelkhawm, Mizoram Bar Association chuan mimal zalenna inrahbeh saknaah ngaiin hman a nih loh nan Gauhati High Court, Aizawl Bench-ah May ni 30 khan an khing a. Hemi avang hian intlan chhawkna dan thar hi hman theih lohva hun engemaw chen Court-in a tihkhawtlai hnuah Court chuan lirthei intlan chhawkna dan thar ruahman chu enchhinna tur mai a nih avangin thubuai thehluttu Mizoram Bar Association leh Sorkar chu inremna siam turin a ti a. Hemi ang hian sorkar leh BAR Association hruaitute remtih angin tun thla ni 3 khan Aizawl Traffic SP chuan thupek chhuakin inthlan chhawkna dan thar hi hman \an a ni ta a ni.
