Higher and Technical Education Department hnuai Technical Wing hotute hnen a\anga Zonet thudawn danin, NEC hnuaia Mizoram MBBS Seat a neih zinga 70 chu Zoram Medical College-ah a ni a, a bak Seat 12 chu hmarchhak bial Medical College dangahte a ni hlawm a, heng seat zawng zawng hi hnawhkhah tawh a ni a, Admission pawh an ti vel vek tawh a, Mizoramin BDS Seat 7 a neih zir turte pawhin Admission hi an tifel tawh a ni.
Technical Wing hotute sawi danin, nikum lamah kha chuan NEC hnuaiah hian MBBS seat 14 Mizoramin a chang tih an sawi a, kuminah Seat 12 chauh an hmuh tak chhan chu Mizoram-ah Medical College a awm tawh avanga Assam Medical College-in Seat a pek phal tawh loh vang a ni. Zawhna chhangin Technical Wing hotute chuan, Central Quota-a Mizoramin damdawi lam zirnaa Seat a hmuh tur zat chu Allotment ala chhuah loh avangin hriat theih ala ni lo a, seat engemawzat chu hmuh beisei a nih thu an sawi.
Hetihlai hian Engineer zir duh Technical Wing-a in hriattirte hnenah chuan Allotment pek vek a ni tawh thung a, kumin hian Engineer zirnaah Mizoramin Central Pool-ah Seat 121 leh NEC hnuaiah Seat 16, a vaiin seat 137 a nei a ni. Mizoram a\anga Engineer zir duh Higher and Technical Education Department-a in hriattir chu 131 an ni a, an vaiin seat pek vek an ni tawh a ni.
Zawhna chhangin Technical Wing hotute chuan Mizorama Technical Course hrang hrang zir tur thlanna dan hman chungchangah Supreme Court-in thutlukna siam mah se, zirlai thlan kawngah harsatna an tawh loh thu leh Mizoram Sorkar Councils of Minister thutlukna anga zirlaite hi thlan an nih thu an sawi.
