Kumthar chawlh hman a nih hnuah vawiin a\ang khan sorkar pisa leh Bank-te chu dan pangngaia hawn a ni leh tawh a. Hmun hrang hrang tlawhtu, kan corr. sawi danin, sorkar pisa hrang hrangah hnathawk engemawzatin pisa kai mah se, dawrtu an awm mumal lova, pisa la kai lo pawh an awm nual a ni. Heti chung hian sorkar file leh thil hmanhmawh zualte chu bawhzui tho a ni. Pisa kai zingah hian officer liante pawh an tel a, chawhnu lamah chuan pisa tam zawk chu dawr tur an awm mumal tawh lo a ni. Bank-te erawh chuan dan pangngaiin hna an thawk a, hnathawktu pawh an kal tlem chuang lo a ni. Kum thar chawlh hmanga mipuite ni 3 chhung an chawlh hnuah vawiin a\ang khan mipuiten khawsak phung pangngai an zawh leh \an a. Aizawlah chuan Bazar leh a chhehvelah dawr zawng zawng inhawng lo mah se, dawr tam zawk chu a inhawng a, chakkhai lam mipui vei vak pawh tam tak hmuh tur an awm a ni. Kum thar vuak vetah ni 3 chhung lai chawlh a nih avangin mi tam tak chu Bazarah chawhmeh leh chakkhai dang dapin an kal a, chawhmeh tam lo mah se, a zuar chhunte chu an inhralh \ha hle a ni.
