Hma taka mipui kharkhipna thupek khauh taka kalpuitu State te chu State dang aiin harsatna an tawk nasa lo nia chhut a ni a, Rajasthan, Punjab leh Bihar te chu inkharkhip puang hmasa pawl an ni a, a pumpuia inkharkhip kalpui har, Uttar Pradesh, Gujarat leh Maharashtra state te lakah chuan Coronavirus kai an pung chak lo hle nia ngaih a ni.
Kar thar lo awm tur hi hun pawimawh tak a ni dawn a, India chuan test runpui neih a tum a, Severe Acute Respiratory Infection nen inkungkaih anga lang chhuak natna nei zawng zawng chu enfiah vek tum an ni.
Sorkar chuan chawlhkar rei lote chhung chu coronavirus kai thar an pun zel a la ring a, mihring enfiah an tam poh leh kai thar an pung zel dawn a, coronavirus kai vanga dah hran pawh an la pung zel a ni.
Ram puma inkharkhip May ni 3 thleng pawhsei a nih a\ang khan coronavirus kai thar mi 2,800 an awm tawh a, mi 36,000 vel enfiah turin an chenna in leh sorkarin khunghranna tura a siamah dah hran mek an ni bawk.
