Assam state chu a ngaiin, \hen lohvin a awm zui ang a, Bodo hnam te hmasawnna turin cheng vbc 1500 hu ruahmanna siam a ni tih Assam Minister, BJP-a an thiampuipate zing ami Himanta Miswa Sarma chuan a sawi.
Union Miniter Amit Shah chu inremna ziahnaah hian a tel a, inremna chuan Bodo te chenna bialpum leh Assam tan hmasawnna thlen dawn a ni a ti a, tun hma lamah hmin kum lo an awm \hin ang kha ni lovin, tun \umah hi chuan a kaihhnawih zawng zawngte zai khata an luan khawm vek avangin remna tluantling a awm thei tawh dawn a ni a ti.
Kil thum-a inremna ah hian Assam Chief Minister Sarbananda Sonowal bakah NDFB, ABSU leh Sorkar laipui aiawhten hming an ziak a, State hrang din phuta nasa taka hmala \hiin All Bodo Students Union pawh hming ziah hnantu zingah an tel a ni.
He inremna ang hian sorkar laipui chuan state thar din ngiata ralthuam nena che chhuakte lakah zahngaihna a lantir ang a., hel pawl mi leh sa 1,500 chuang zet chu tun thla ni 30 khian sorkarah an inpe dawn a ni. Home Minister Amit Shah chuan inremna ziah a nih tak avang hian hel pawl mi leh sa ni tawh lovin kan unaute an ni ta a ni a ti a, pawikhawihna lian tham la nei lo te chu paramilitary force ah thun an ni ang a, Bodo hmalakna avanga mitthi chhungte hnenah zangnadawmna cheng nuai 5 zel pek a ni ang a ti.
Inremna ang hian BTAB tia sawi huam chin chu Bodoland Territorial Region tia vuah a ni ang a, Assam tlangram-a cheng Bodo hnam te chu Hills tribe tia puan an nih theihna turin sorkar laipuiin hma a la ang a, Bodo \awng chu Assam pumah sorkar pawmpui \awng chikhata puan tel a ni bawk ang.
Inremna hian sum tam tak a nghawng tel a, state sorkar chuan bodo te chenna bial tih hmasawnna turin kum thum chhungin kumtini cheng vbc 250 zel a hmang ang a, central sorkar pawhin heti zat chiah hi a hmang ve bawk ang a, kum thum chhunga sum hman tur hi cheng vbc 1500 a tling dawn tihna a ni.
Sum ruahmante hi thil siamna lam tih hmasawnna tur te, hnathawh tur siam belhna lam hawi leh eco tourism tih hmasawnna tur te-a hman a ni ang a, sorkar laipui chuan Central University leh National Sports University te a din ang a. Damdawi lam zirna hmun leh hotel management zirna te, bawnghnute sawngbawlna hmunpui leh National Institute of Technology te pawh din tura ruahman a ni a, Navodaya Vidyalayas tam zawk din a ni bawk ang.
