Sorkar laipuiin tun thla ni 8 a\anga sakhaw biakna hmun te hawn a phal hnuah Assam khawpui, Guwahati-a Kamakhya temple hmingthang tak, Nilachal Hills-a mi chu tun thla tawp thleng khar a la ni dawn tih temple thuneituten an sawi.

Assam-ah coronavirus kai an pun zel avangin temple management committee chuan vantlang hman atan temple chu hawn an la remti lo tih an sawi a, hei vang hian Ambubachi Mela, tun thla ni 22-a neih tur chu \hulh a ngai dawn a ni.

Assam-ah hian covid-19 kai mi 1,390 an awm tling tawh a, nimin khan coronavirus kai thar mi 29 awmin, ni khatah mi 92 an dam a ni.