Sorkar laipuiin talh atana bawng lei leh hralh khapna thupek sut dawn

Sorkar laipuiin talh atana bawng lei leh hralh khapna thup>k a s<t dawn. India Today chuan PM, Narendra Modi-a kaihhruai sorkar chuan kumin May ni 23-a thupek a tihchhuah, ram chhunga inhnialna leh buaina tam tak thlentu, talh atana bawng lei leh hralh khapna hi a hlip dawn tih a chiang tawh niin a sawi a, state hrang hrang ngaihdan lak a nih hnuah sorkar laipui chuan khapna thupek hlih hi a rel ta nia hriat a ni. Puan tawh angin, Environment, Forest & Climate Change Ministry -in talh atana bawng lei leh hralh khapna thupek a tihchhuah hnu khan sorkarin dem leh sawisel a hlawh hle a, BJP kaihhruai sorkar hian a thuneihna hmangin ram mipuite chu Hindu sakhua leh serh leh sang zawm luihtir a tum nia ngai an tam bakah sakhaw zalenna rama hetiang thil a thleng hian mak tih pawh a hlawh hle a, hetih rual hian state \henkhata Hindu kal filawrte chuan hei hi Muslim leh sakhaw dang bia, bawng sa ei \hinte laka tharum thawhna hun remchangah an hmang a, bawng humhalh chhuanlamin mi eng emaw zat kut an thlak a, a \hen chu an that hial a ni. Prevention of Cruelty to Animals (Regulation of Livestock Market) Rules, 2017’ s<t a duh thu hi Environment, Forest & Climate Change Ministry chuan Law Ministry a hriattir tawh a, chhan hrang hrang avangin hei hi s<t a duh niin a sawi. July thla khan Supreme Court pawhin sorkar laipui thup>k hi hman rih loh ni se, tia Madras High Court thutl<kna chu a pawm a, pawl pakhat, All India Jamiatul Quresh Action Committee chuan sorkar laipui thup>k hi ram danpui kalh nia ngaiin Madras High Court-ah a khing a ni.