Union Health Ministry chuan hmaituamna siam chawp chi hman dan turah mipuite thurawn a pe a, damlohna nei hranpa lem lo leh thawkna lama harsatna nei an nih lem loh pawhin hmai tuamna siam chawp leh hman nawn theih ang chi chu pawn chhuah dawna hman a \ha a ni a ti. Hei hi mimal tin taksa thianghlimna vawn kawnga thil pawimawh a nih thu leh mipui nawlpui himna tur a ni tih Health Ministry chuan a sawi.
Hetiang hmai tuamna siam chawp ang chi hi chu damdawi ina thawk leh Coronavirus kai damlo leh an bul hnaiha awm te tan chuan a him lo tih Health Ministry chuan a sawi thung.
Hemi hmalam hian hmaituamna hi mi nawlpui tan hman a \ul lem lo tih sorkar chuan a lo sawi tawh a, hrileng chak taka a darh mekna, US ah mipui nawlpuite hmai tuamna hmang tura thurawn pek an nih hnuah sorkar laipui pawhin hmaituam tura thurawn hi a siam ve leh ta a ni.
