Heng mite hi Jharkhand Hatia district-a Lingampally khaw mite an ni a, an chhuah hma-in coronavirus kaite awmdana an awm leh awm loh enfiah hmasak vek an ni.
Railways Ministry chuan Telangana a\anga Jharkhand pana chhuak rel hi Telangana sorkar ngenna anga tirh a ni tih a sawi a, hei bak chu Ministry of Railways ruahmanna siam angin, an kalna tur leh thlenna tur state sorkarte nen inberawna tirh an ni tawh dawn tih a sawi.
Hemi hmalam hian Jharkhand Chief Minister, Hemant Soren chuan sorkar laipuiin an state mi, state danga tangkhangte hruai hawna tur rel ngahtuahsak tura an ngenna chu sorkar laipuiin a pawmsak tih a sawi a, state danga zirlai leh inhlawhfa-a awm te chu an ngai pawimawh tih a sawi a ni.
Sorkar laipui chuan Uttar Pradesh chu Haryana-a an mi leh sa tangkhangte hruai haw a lo phalsak tawh a, Bihar Chief Minister, Nitish Kumar chuan sorkar laipui chu hleih neia rorelah a puh a, inkharkhip chhunga state leh state inkara mipuite inkalpawh a phalsak chu inkharkhip neih chhan ti hlawhchham thei a ni a ti.
Punjab, Bihar, Rajasthan, Maharashtra leh chhim lam state te chuan an mi leh sate phurh haw-na tur bus leh rel an mamawh tih sorkar laipui hnenah an thlen a, sorkar laipui chuan kawngpui pangngai hmanga hruai haw turin state tin sorkar te chu ruahmanna siam turin a ti a ni.
