Pu TJ Lalnuntluanga chuan, Indian Forest Amendment Bill 2019 chungchang hi thla thar ni 3 khian Political Party aiawh, tlawmngawi pawlte leh Kohhran hruaitute bakah a kaihhnawih pawl leh mimal sawmbikte nen zau zawka sawiho a ni dawn tih a sawi a, he inrawnkhawmna neih turah hian ram leh hnam tana a him theih dan tur ber leh Mizoram inhungbing na Article 371 G kaihhnawih awm thei te pawh thlir a nih tur thu a sawi.
Zawhna chhangin Pu TJ Lalnuntluanga chuan, rawtna thlenna tur Core Committee-in ni 90 chhungin an ngaihdan te thlen turin ti mahse hriattirna hi an dawng tlai tih a sawi a, biak pawh an nih hnuah hun ala awm thu an rawn hrilh tih a sawi a, July thlaa NGO leh Political party te ngaihdan an laknaah Congress, PRISM leh Center For Environment protection te chauhin an ngaihdan an thlen tih a sawi.
Indian Forest Amendment Bill 2019 chungchangah hian Zo Indigenous Forum leh PRISM \angkawp chuan kumin July ni 17 khan chanchinbumite kawmin Mizoram tana a him loh thu an lo sawi tawh a, Congress party pawhin Mizoram sorkar hmalakna an duh khawp loh thu an lo sawi tawh bawk a ni.
