Damdawi hralh khap zingah hian na chhawkna Saridon leh vun damdawi, Panderm te pawh a tel a, sorkar-in a khap-te hi damdawi mal ni lo in, damdawi dang nena chawhpawlh tawh-te an ni a, heng zingah hian Naproxen leh Paracetamol inchawhpawlh damdawi-te pawh a tel a ni. Heng damdawi-te bakah hian damdawi dang 6 chu mihring taksa tana awmze nei lo tih vangin Health Ministry chuan hralh chhuah a khap tel bawk a, sorkar laipui hnuaia Drug Technical Advisory Board chuan damdawi hralh khap 328-te hi mihring hriselna atana \ha lo niin a sawi a ni.
Sorkar laipui thutlukna hi kar kalta pawh khan Delhi High Court chuan hman rih lo turin a lo hreng tawh bawk a, kum 2010 March thla pawh khan sorkar laipui chuan FDC damdawi 344 hralh chhuah a lo khap tawh a, kum 2016 pawh khan Corex khuh damdawi bakah D’Cold leh Vicks Action 500 leh damdawi dang 341 hralh chhuah khap a lo tum tawh bawk a, hei pawh hi Delhi High Court chuan hmang rih lo turin a lo ti tawh bawk a ni.
