Jt. NGO Coordination Committee hian an lo sawi lawk tawh angin tukin dar 6 a\ang khan Lammual panna kawng pawimawhah an duty a, Chief Minister, Pu Zoramthanga hova inremna an siam angin Lammuala Republic Day hman tuma kalte chu a kal thei chin an nih leh nih loh enfiah zel a ni a, an inremnaa tel ve lo Republic Day lawmnaa kal tumte chu an lo dang zel a ni.
Jt. NGO Coordination Committee-in Republic Day an Boycott naa Lammual kal tur an dannaah hian buaina leh harsatna thleng a awm lo a. Zonet zawhna chhangin Jt. NGO Coordination Committee Chairman, Pu Vanlalruata chuan, tukina Republic Day an Boycott naa mipui thlawpna \ha tak an dawng chu an lawm hle tih sawiin, an ngenna ngaipawimawhin tumah Lammuala kal luih tum an awm lo niin a sawi a. Chief Minister hova an inbiak \uma inremna an siam ang bak Lammuala lut an awm lova, Lammual a ruak vek a, Programme pawh a rei lova, Parade-ah hian silai keng chi Police leh Sipai tih loh tel an awm lova, an duh anga engkim a kal vek avangin hlawhtling hlea an inngaih thu leh an tum ang hlenchhuaka an inngaih thu a sawi a, Citizenship (Amendment) Bill, 2016 chungchanga Sorkar laipui thil tih zel dan chu uluk taka an thlir zui tur thu leh a \ul a nih chuan na zawka dodal chhunzawm zel an tum thu Pu Vanlalruata chuan a sawi a ni.
