Sorkar laipuia Ministry of Science & Technology hnuaia Institute of Bioresources & Sustainable Development Mizoram chu nimin khan Chief Minister, Pu Lal Thanhawla’n Nursery Venga P. Lalthangzauva Building-ah a hawng. He Institute hi Manipur-a National Institute hnuaiah a awm a ni. Hawnna thusawiin Chief Minister chuan Institute of Bioresources & Sustainable Development chu Mizoram tan zirna in \angkai tak, Mizoram chhung leh pawn a\anga lo kal \halaiten \angkai taka an hman theih tur a ni tih sawiin, he Institute a\anga thil thar zawng chhuaktute thawh rah chu Mizoram chang ni lovin ram chhung hmundangah pawh \angkai taka hman theih tur niin a sawi a, Mizoram chu ‘Biodiversity hotspot’ a nih avangin ramhmul damdawi zirchian Regional Research Institute din tura ruahmanna siam a nih thu a sawi bawk. Institute of Bioresources & Sustainable Development thil tum ber chu thing leh mau leh nungchate awmdan leh mihring nunna leh khawsak dana inhman tawnna leh inmamawh tawnna te, ei leh bar tur thar chhuah lama hmasawnna tur zawn chhuah te a ni. Tunah hian Manipur-ah Centre pahnih a awm tawh a, Sikkim leh Meghalaya-ah pakhat ve ve a awm tawh bawk. Hawnna inkhawmah hian IBSD Director, Prof. Dinabandhu Sahoo chuan thusawiin Mizorama bioresources a\anga thil hmuhchhuahte chu State danga mite nen thlunzawma thawhhona \ha tak neih a pawimawh thu a sawi a ni. Hawnna inkhawmah hian MZU Vice Chancellor, Prof. KRS Sambasiva Rao leh mi pawimawh dangte an tel a ni.
