Ni thum chhung awh training-ah hian Thingsulthliah leh Tlangnuam RD Block-a WATSAN Committee member 26 an tel a, an training chhung hian Village Level Action Plan siam dan te, tui thianghlim hnianghnar nei tura \anlak dan tur te, belhchian dawl faina neih theih dan tur te, tui hna leh tuikhur hnar humhalh dan tur leh faina leh thianghlimna te, bawlhlawh leh tui chhia sawngbawl chungchang te an zir a, Hualngohmun khuaah field visit an neih bakah WATSAN Committee sum vawn dan tur te an zir a ni.
Training kharna PHE Engineer in Chief Conference Hall-a buatsaih hi Rural WATSAN, Aizawl Division Pu C. Zothantluanga’n a kaihruai a, a hmanpuitu E in C Pu Lalmuanzova chuan, traininga tel te chu an mahni khua \heuh a tui thianghlim leh khawtalng fiana lama hmala a mawhphurtu tur an nih thu a sawi a, an thil zir te mipuite zirtir chhawng turin a chah a ni. Pu Lalmuanzova chuan, tui hna humhalh kawngah Central YMA nena an thawh honain rah \ha a chhuah tih a sawi a, khaw hrang hrangah tuikhur hnar te pawh a \ha chho zel nia an hriat thu a sawi. Pu Lalmuanzova chuan, sorkar laipui scheme hmanga thingtlang khaw tinah tui connection pe tur a hmalaknaah, hmanraw \ha leh bungraw \ha chiah hman a nih theih nan hnathawktute lo vil uluk turin kalkhawmte a chah a ni.
Training hi Darlawn, Saitual leh Aibawkah te buatsaih a lo ni tawh a, khaw 94 tuam chhuah tawh a ni.
