Khawthlangtuipui Indo-Bangla Border (KIBBO) Welfare Society huaihawta Tlabunga VC leh tlawmngai pawk hrang hrang hruaitute inrawnkhawmnaah hian Mizoram Sorkar-in lui hmanga inkalpawhna rintlak zawk siam tuma hma a la chu lawmawm an tih thu Tlabung khawtlang hruaitute chuan an sawi a, he hmalakna hian Tlabung leh a chhehvelin kum tina tui lian vanga harsatna an tawh \hin chu a tihnep theih nan li mawng hai thuk chu hna pui berah neih an duh tih an tarlang. Tlabung khawtlang hruaitute chuan, Inland Water Transport Project hmanga lui kawng sial \hat turah Licheng chu a in\anna atan hman an duh thu an sawi a, he project-in a tum a hlawhtlin theih nan Licheng a\anga lui mawng lama Sazuk lui thleng project hian huam se an duh tih an sawi a, hei bak hian tuilian danna bang siam te, project-in a kaihhnawih khaw \henkhatah lawng kai siam an duh thu leh Khawthlangtuipui dunga hmun mawi zual \henkhat chu tichhe lo zawnga hmalak an duh thute an sawi bawk.
