Zonet zawhna chhangin P&E Deptt. hotute chuan he ruahmanna, Pradhan Mantri Sahaj Bijli Har Ghar Yojona (Saubhagya) hnuaiah nakkum March ni 31 ral hma-in ram puma chhung tinte hnenah kawlphetha pek vek tum niin an sawi a, he hmalakna atan hian State sorkar tinte chu an State chhunga eng la hmu lo zat a\anga teha sum pek niin, chung pawisa a\anga zaa 85 chu Grand-in-Aid anga dawn a ni a, a bak zaa 10 chu State Sorkar tum ve tur a ni a, a bak zaa 5 chu Loan anga kal tur a ni. Hetihlai hian Sorkar laipui hun ruat nakkum March ni 31 thlen hma, kumin December ni 31-a he ruahmanna tihhlawhtlingte chu Loan-a kal tur zaa 5 chu Grand-in-Aid anga chhiar sak theih an ni a, chu chu dawn a nih theih nan Mizorama chhung tinte chu kumin December ni 31 ral hmaa kawlphetha pe vek hman tura chak taka hmalak a ni tih P&E Department hotute chuan an sawi a ni.
P&E Department hotute chuan nikum kum tawp lama zirchianna an neih a\angin Mizorama chhungkaw 13,854 velin kawlphetha an la dawng lova, hemi zulzui hian Saubhagya hnuaia hmalakna turah pawh DPR siam a ni a, hetihrual hian he ruahmanna hi ram pumah a ruala kalpui a nih avangin duh anga hmalak chak a harsa niin an sawi a ni.
