Sorkar laipui ruahman angin Sentut hri danna pek beihpui thlakna, Measles-Rubella Vaccination Campaign vawiin khan \an a ni a, Govt. Mizo High School Indoor Stadium-ah Health Minister Pu Lal Thanzara’n campaign hi a hawng. Inkhawm hi National Health Mission Director Dr.Lalrozama’n a kaihruai a, Pu Lal Thanzara chuan, Measles-Rubella Vaccination Campaign in a tum chu kum 2020 ah ramchung a\anga sentut natna umbo vek a, sentut tenau Rubella natna leh a kaihhnawih Congenital Rubella Syndrome te pawh thunun vek a nih thu a sawi a, he natna avanga nau piangsual leh thi awm \hin tih tawp chu a tum a nih thu a sawi. Pu Lal Thanzara chuan, Mizoramah Congenital Rubella Syndrome natna vei pakhat hriat chian a ni tawh tih a sawi a, kumin march thla khan Rubella natna vei naupang 2 hmuhchhuah an nih thu pawh sawiin hriatchhuah loh pawh an awm rin a nih thu a sawi. Pu Lal Thanzara chuan, Measles-Rubella Vaccine lak chu a hlauhawm loh tih sawiin nu lehpa te chu an tu leh fa te lak tir ngei turin a chah bawk. State Immunisation Officer Dr.Lalzawmi pawhin thu sawiin MRV vaccine chu naupang kum 9-15 inkar te pek vek tum a nih thu a sawi a, hapta 5 chhunga pek kim hman an tum thu sawiin naupang zawng zawng pek vek tum a nih thu a sawi. Hemi hnu hian school naupang kum 15 hnuai lam te hnenah Vaccine an pe chhunzawm nghal a ni. Measels-Rubella Vaccination Campaign hi District hrang hrangah pawh \an a ni a, Siaha ah chuan VC inthlan tur avangin Thawhtanni khan an lo kalpui tawh thung a ni. ————-
Mizorama Bank hrang hrang te zingah IndusInd Bank Ltd in mipui sum khawl an dawn a\angin loan a pe chhuak tam ber. Finance Secretary Pu Lalnunmawia Chuaungo hova State Level Bankers’ Committee (SLBC) meeting vawiina neihah tarlan a nih danin Bank hrang hrang zinga CD ratio nei sang ber Induslnd Bank Ltd. CD ratio hi 303.19 a tling a, CD ratio hniam ber ICICI Bank Ltd. CD ratio chu 4.74 a ni. Public Sector bank zingah Canara Bank chuan CD ratio 241.97 neiin a sang ber a, a hniam ber Vijaya Bank CD ratio chu 29.48 a ni. Tun dinhmunah Mizoramah Bank chi hrang 27 a awm a, chungte chu Public sector 16, Private sector 8 leh RRB 1 bakah Cooperative bank 2 te a ni a, heng Bank te hian Branch 203 an nei a ni.
