He inkhawm Treasury Square-a Assembly Conference Hall-a neihah hian Pu Lalrinliana Sailo chuan, Assembly rorel inkhawmah paper hmang lova, Online veka kalpui a nih hun chuan hnathawh a awlsam phah bakah sum senna tam tak tih bo a ni thei dawn a, Sorkar tan pawh sum renchemna \angkai tak a ni thei dawn a ni, a ti. NeVA hi Parliamentary Affairs Ministry hmalaknaa ram rorelnaa hnathawhnaah lehkha aia Online hmanga thil pawimawh tarchhuahna tur a ni a, hemi hmang hian House-a rorelna leh \ul dangte awlsam takin mipui vantlang hmuh leh chhiar theih tura chhawpchhuah a ni dawn a. Hemi chungchang zir honaah hian Parliamentary Affairs Ministry hnuaia NeVA Coordiantor, Pu Arpit Tyagi leh Pu Rahul Agarwal bakah Mizoram NIC-a mithiamte’n an zirtir dawn a ni.
