Kum 1960-a World Bank-in India leh Pakistan remtihnaa a siam Indus Water Treaty hnuaiah India hian Sutlej, Beas leh Ravi luipui-ahte thuneihna a nei a, Pakistan hian Jhelum, Chenab leh Indus luipuiah te thuneihna a nei thung a, India hian a thuneihna hnuaia luipui te hi za-a 93 a\anga 94 vel a hmang a, a dang za-a 7 a\anga 6 hi Pakistan-ah a luang lut a, heng lui tui, Pakistan-a luang lut te hi titawp turin sorkar chuan hma a la mek a ni.
Water Resoures Minister Nitin Gadkari chuan Sorkarin lui tuite hi Jammu leh Kashmir leh Punjab-a lut tura la peng turin Ravi luipui chungah Shahpur a\anga Kandi thleng tui khuahna siam \an a nih thu leh UJH project hmanga India thuneihna hnuaia awm lui tui chu Jammu leh Kashmir hman tura chhek khawl a nih tur thu a sawi bawk a. He hmalakna hi kum 2016-a Pakistan mifirfiak te’n Uri-a CRPF camp an beih hnua bul\an a lo ni tawh a, tun hnai khan a taka hna thawh \an a ni.
