Dr K. Beichhua chuan Mizoram chu Tribal Area a nih angin Block 26 huamchhungah EMRS hawng vek tuma hmalakna a kalpui mek a nih thu leh hei hi a hlawhtlin theih chuan zirna kawngah Mizoramin nasa taka hma a sawn theih tur thu Union Minister hi a hrilh a, Union Minister pawhin hmalakpui a tum thu leh Siaha-a Noaotla leh Tlungvel-a EMRS sakna tur sum cheng vaibelchhe 14 pek a nih tur thu a lo hrih a ni.
Tun dinhmunah Mizoramah Eklavya Model Residential School hi Pukpui Lunglei leh Serchhip Kawlritlang-ah te a awm tawh a, Ngopaah building sak zawh tawh a ni bawk. EMRS pakhat dinna atan hian sorkar laipuiin cheng vaibelchhe 24 zel a ruahman a, school pakhatah zirlai 400 chuang an awm thei a, naupang enkawlna senso pawh sorkarin a tum \hin a ni .
