Sorkar laipui chuan cheng 2000 note siam belh zel tura thutlukna siam a la nih loh thu leh tun dinhmunah mamawh aia tam pawisa note hi a awm mek thu a sawi.

Economic Affairs Secretary Subhash Chandra Garg chuan pawisa note thar siam tur hian a hmain ruahmanna siam sa vek a nih \hin thu leh tun dinhmuna ramchhunga pawisa note awm zawng zawng za zela 35 chu cheng 2000 note a nih thu a sawi a, cheng 2000 note siam chungchangah hian tun hnaiah thutlukna siam a nih loh thu a sawi bawk a ni. Ningani tlai khan cheng 2000 note hi a tlem thei ang ber RBI lamin a siam rih thu Finance Ministry chuan a lo sawi tawh a, hemi hnu lawk hian cheng 2000 note hi siam chhunzawm a ni dawn lo tih chanchinthar thehdarhtute chuan an sawi bawk a ni.