Vawiina Aizawla thuthar lakhawmtute an kawmnaah BJP Mizoram Pradesh General Secretary, Pu Vanlalhmuaka chuan, kumin May ni 30 a\anga BJP-in Sorkar thar a siam hnuah hmalakna langsar tam tak an nei tawh tih a sawi a, sorkar thar an siam tukah ram mipuite veng him tura nun thapa inpe te tan ruahmanna \ha zawk siam nghal a ni a, Cabinet meeting hmasaah loneituten ham\hatna an dawn theihna tur PM Kisan Scheme thar thawh remtih a ni a, he scheme hnuaiah hian loneituten thla tin Rs. 3,000 an dawng thei dawn a ni, a ti. Pu Vanlalhmuaka chuan, sumdawnna tenau kalpuite tan pawh sorkar chuan pension scheme a ruahman sak tih sawiin, India rama chhungkaw tinte hnenah Pipe hmanga an inchhunga thleng tui connection pe turin ruahmanna siam a ni a, inthlan laia an lo intiam tawh angin India ram sum leh pai dinhmun \hanna chu Rs. vbch. nuai 1-a tlin theih nan Committee on Economy leh Committee on Employment din nghal a ni a, hemi nena inkaihhnawih tho High Level Committee for Agricultural Reforms pawh din nghal a ni, a ti. Eiruk hmangte chu ram \hanmawhbawk an nih avangin eiruk hmangte manchhuah leh hrem kawngah pawh sorkar chuan chak takin hma a la nghal a, thla khat chhungin IRS leh Taxation Officer rual 12 leh Central Cusmtom Excise Officer 15 an hna a\anga chawlh tir an ni a, hei hian BJP sorkar-in eiruk a dodal zia a tilang chiang hle a ni, a ti.
Pu Vanlalhmuaka chuan, vawiin a\ang khan BJP hian ram pumah membership Drive an kalpui \an tih a sawi a, hei hi August ni 11 thleng kalpui tur a ni a ti a, He hmalakna bawhzui hian tun thla ni 13-ah BJP Mizoram Pradesh chuan Aizawl khawpui chhungah Two wheeler hmangin Membership Drive Rally buatsaih an tum tih a sawi.
