Sorkar kum kal mekah ni 100 inhlawhna tia sawi, MGNREGA kalpuina turin sorkar laipuiin cheng nuai sing 3 sang 6,779 Mizoram sorkar a pe tawh a, ni 76 inhlawhna siam turah ni 75 siam a ni tawh.

Vawiina MGNREGS hnuaia State Employment Guarantee Council \hutkhawmnaah he thu hi sawilan a ni a, meeting hi Chairman Rural Development Minister Pu Lalruatkima hovin Secretariat Conference Hall-ah neih a ni. MGNREGA hmang hian vantlang chhawr \angkai tur siam tam a \ul thu te, inhlawhfakna bika hman tur sum leh thil dang thawhna atana hman tur sum ruahman dan hmanlai, 90:10 chu 60:40 a thlak tura hmalak tum a nih thu te, Department hrang hrang hnuaia thingtlang hmasawnna tur Central project hrang hrang te leh MGNREGA thlunzawm dan tur leh chumi hmanga sum tam zawk hai chhuah tum anih dan te sawiho a ni.