Chief Minister-in Budget a pharh tak a\anga a lan danin, sorkar kum kal mek 2019-20 chhunga Mizoram sorkarin sum hman tur ruahman Rs. Vbch. 10,692.30 hi sorkar sum hmuh tura chhut lawk Rs. Vbch. 10,692.30 nen a inang chiah a, hetianga sorkar sum hman tur leh sum hmuh tura chhut lawk inthlauhna awm lo hi thil awm zen zen lo nia hriat a ni.
Budget pharh paha thu sawiin Chief Minister, Pu Zoramthanga chuan, sorkar kum kal mek 2019-20 chhunga Mizoram Sorkar-in sum a hmuhna tur zingah hian state sorkarin chhiah chi hrang hrang a lak \hin Tax revenue cheng vbc 573.69, Non-Tax Revenue cheng vbc 459.30, Central leh State sorkar-in chhiah an insem tur, Devolution of Central Tax & Duties Rs. vbch. 3,885.19 leh Central sorkar \anpuina Grants-in-aid hmuh tura beisei cheng vbc 4928.81 te a tel a ni.
Pu Zoramthanga chuan, central sorkar a\anga \anpuina Grants-in-Aid sum hmuh turah hian CSS, NEC leh Central Road Fund a\anga sum hmuh tur Rs. vbch. 2,158.02 pawh a tel a. Revenue Receipt a\anga sum hmuh tura beisei zawng zawng Rs. 9,846.99 a\ang hian Mizoram Sorkar thawhchhuah ve tur chu Rs. vbch 1,032.99 a ni a, hei hi sum hmuh tura beisei a\anga zaa 10.49 chauh a tling phak tih a sawi.
Chief Minister chuan, sum indaih lohna phuhruk nana sorkar laipui leh Financial Institution a\anga sum puk leh Loan and Advances a\anga sum dawn, Capital Receipt a\anga sum hmuh tur chu a vaiin Rs. vbch. 845.31 a ni, a ti a. Capital Receipt a\anga sum hmuh tur zingah hian Open Market Borrowing a\angin cheng vbch. 600, NABARD Loan Rs. vbch. 170 leh NCDC Loan Rs. vbch. 2 hmuh turte pawh a tel a, sorkar-in sum a puk tur zawng zawng chu Rs. vbch 806.29 a ni, heti hian Revenue Receipt leh Capital Receipt a\anga sum hmuh tur zawng zawng chu Rs. vbch. 10,692.30 a ni, a ti.
Pu Zoramthanga chuan, sorkar sum hmuh tur ruahman Rs. vbch. 10,692.30 a nih lai hian sum hman tura ruahman pawh Rs. vbch. 10,692.30 tho a ni tih a sawi a, sum hmanna langsar zingah sorkar hnathawk leh pension hlawh te, sorkar Department enkawlnate a awm tih sawiin, hemi rual hian ram hmasawnna tur thil pawimawh hrang hrang thawh nan leh mumal zawka sorkar a inrelbawl nan sorkar chuan Revenue Surplus neih zel a tum a ni, a ti a. sorkar kum kal mek chhunga sorkar hnathawk leh inrelbawlna atana, Revenue Expenditure hnuaia sum ruahman chu Rs. vbch. 8,403.52 a ni a, hetah hian sorkar hnathawk leh pension hlawh punna telh nghal a ni tih a sawi.
Chief Minister chuan, Capital Expenditure hmanga kumin chhunga hmasawnna hnathawhna tur sum ruahman chu Rs. vbch. 2,288.78 a ni a, hei hi nikuma Revised Estimate aiin Rs. vbch. 254.9-in a tlem zawk tih a sawi a, Hmasawnna hnathawhna tur sum ruahman nikum aia a tlem zawk nachhan hi Pay 7-na rawtna anga sorkar hnathawk leh pension hlawh tihpun a nih vangte, General Election atan sum dah a \ul vang leh District thar 3 hawn tum a nih vang a ni, a ti.
Chief Minister hian SEDP kalpui nan Rs. vbch. 750 dah a ni tih a sawi a, SEDP sum hmang hian District thar tih changtlun nan Rs. vbch. 8.55 ruahman a ni a. Hei bakah hian Doctor leh Nurse post ruak hnawh khah nan Rs. vbch. 50, zirtirtu indaih lohna phunruk nan Rs. vbch. 30, kawng siam nan Rs. vbch. 150, Health Care schem atan Rs. vbch. 20, SEDP, SPP leh Project dang enkawl zui nan Rs. vbch. 110, Skilled Development lama hmalak nan Rs. vbch. 5, Sports tihhmasawn nan Rs. vbch. 10 ruahman a ni, a ti a. Tuna Health Care Scheme hman mek tihchangtlun nan Healthcare Corpus Fund-ah Rs. vbch. 50 dah a nih thu te, Mizoram State Sports kalpui nan Rs. vbch. 1.5 leh infiammite tihphur nan leh chhawmdawl na tura Incentive Cash Award pek tur Rs. vbch. 1 dah a nih thu te, kawngpui thawm \hatna atan PWD Road Fund Board hman tur Rs. vbch. 50 te, Parking house Support System (PAHOSS) tihhlawhtlinna tur Rs. vbch. 60 te, Lokayukta enkawlna atan Rs. vbch. 3.71 leh MLA Local Area Development Fund chu MLA tin tan Rs. nuai 50 \heuh dah belh a nih thu te a sawi a, heti hian MLA fund chu cheng vbc 1 leh nuai 50 a ni dawn ta a ni.
Chief Minister hian, sorkar kum liam ta 2018-19 chhunga sorkar leiba tlingkhawm chu Rs. vbch. 7,992.34 a ni tih sawiin, hei hi GSDP a\anga chhut chuan zaa 35.89 a tling tih a sawi a. Hetihlai hian Sorkar kum kal meka chhunga sorkar leiba zat chu Rs. vbch. 8,447.92 a ni a, hei hi GSDP a\anga chhutin zaa 32.66 a ni tih a sawi. GSDP a\anga teha a kum tela sorkar leiba neih zat a tlahniam zel chu thil lawmawm tak a ni tih sawiin, sorkar phurrit tizangkhai tura theihtawp chhuaha lo thawktute zawng zawng chungah lawmthu a sawi a, hetihrual hian Mizoram sorkar chuan sum thawh chhuah a neih tam tawk loh avangin sum hnar dang a\angin Mizoram mamawh phuhrukna tur pawh khawm loh theih loh a ni a, hemi avang hian sorkar-in leiba a nei lo thei lo a ni, a ti.
Vawiina Finance Department enkawltu Chief Minister, Pu Zoramthanga’n sorkar kum kal mek chhunga sorkar sum hman tur ruahman, Annual Budget for the Year 2019-20 a pharh tak Rs. Vbch. 10,692.30-ah hian House pawmpui ngai lo chi, Charged Expenditure Rs. vbch. 703.89 a tel a, a bak Rs. vbch. 9,988.41 chu House pawmpui ngai tur a ni.
