Mizoram sorkar chuan Civil Hospital Blood Bank atanga thisen la \hin mimal emaw, damdawi in emaw pawh thisen an lak chhuah dawn reng rengin Hospital & Medical Education Director hnen a\angin phalna an la hmasa zel tawh tur a ni a ti a, hei hian Blood Bank a\anga thisen lak chhuah khuahkhirhna a kawk lo niin sorkar chuan a sawi a, a lak chhuah dan kalphung felfai zawk a awm theih nana kalphung thlak danglamna mai nia sawiin, thisen hi a mamawh apiang, empanel hospital a ni emaw, ni lo emaw tan pawh a ngai renga chhawr theih reng a ni thung dawn niin sorkar thuchhuah chuan a sawi.
He thupek awm hma hi chuan mimal damdawi in te chuan an damlote zingah thisen mamawh an awmin Civil Hospital Blood Bank a\ang hian thisen an la chhuak mai \hin a, sorkarin kalphung thar a siam ang hi chuan Health & Medical Education Director hnen a\anga phalna lak hmasak a \ul dawn ta tihna a ni.
Hemi hmalam, December ni 7 khan Health Secretary Pu H Lalengmawia chuan thisen mamawh, Pvt hospital a\anga kalte chuan Hospital and Medical Education Director phalna an neih phawt a \ul dawn tih a lo sawi tawh a ni.
