Aizawl SP in vawiin khan thupek hi a ti chhuak a, Lirthei intlanchhawk dan tur ruahmanna thar ang hian Thawhtanni-ah registration number 1 leh 2 a tawp te an tlan thei lo ang a, Thawhlehni-ah registration 3 leh 4 a tawp te, Nilaini-ah registration 5 leh 6 a tawp te, Ningani-ah registration 7 leh 8 a tawp te leh Zirtawpni-ah registration 9 leh 0 a tawp te an tlan thei dawn lo a ni. Tlan chhuah phal loh hun hi zing dar 9 leh tlai dar 5:30 inkar a ni ang.
Intlanchhawk hian mimal motor leh sorkar motor, two-wheeler zawng zawng, bungraw phur lirthei zawng zawng a huam dawn a, Mizoram District dang lirthei zawng zawng te, State pawna lirthei register te, Private Motor leh Bungraw phur motor Aizawl khawpui chhunga awm leh rawn Aizawla tlan tur reng reng te pawh a huam vek dawn a ni.
Lirthei intlanchhawk hian Inrinni leh Pathianni bakah Sorkar chawlh ni te a huam dawn lo a, taxi bik tan Sticker A, B leh C hmanga intlanchhawk kalpui mek chu hman chhunzawm tur a ni a, Inrinni bikah chawhnu dar 1 a\angin Taxi-te hi an vaia tlan chhuah phalsak an ni.
