Finance Minister, Pu Lalsawta’n Sorkar hnathawkte MR Bill dik taka kalpui a nih theih nan a enfiahtu tur The Mizoram Health Care Society din a ni tawh thu leh kumin April ni 1 a\anga hna thawh\an tir a nih tur thu MNF member, Pu Lalrinawma zawhna leh zawhbelhna dangte chhangin House a hrilh a. Tun hnai kum 2/3 vel kal chhunga MR Bill a pun chhoh zel chhan chu Sorkar-in Financial Consolidation hmanga sum leh pai dinhmun a siam\hat deuh avangin tun hmaa MR Bill pek chhuah loh awmte a pekchhuah vang nia sawiin, MR Bill hi dik leh felfai zawka kalpui a nih theih nan Sorkar chuan theihtawp a chhuah mek zel tih a sawi. Pu Lalsawta chuan, Sorkar kum kal mek 2017-18 chhunga MR Bill atana sum sen zat beisei chu cheng nuai 11,267.84 vel tling tura chhut lawk a nih thu leh MR Bill tam lutuk \hin chu a lo hniam theih nan leh dik taka kalpui a nih theih nan Cabinet remtihna-in The Mizoram Health Care Society din a ni tawh thu leh kumin April ni 1 a\anga hna thawh\an tir a nih tur thu a sawi a, a taka hna an thawh hunah chuan MR Bill chu a tlakhniam theih beisei a ni tih Finance Minister chuan a sawi.
