Sorkar building hrang hrangte pianphunga rual ban lo ten an tlawh pawh ve theihna tura ruahmanna siam tura Supreme Court in thupek a lo siam tawh tih hlawhtlin a nih loh avangin Supreme Court in sorkar a khak.

Justice AK Sikri leh Ashok Bushan te chuan central sorkar chu an hmalak dan kimchang affidavit hmanga hapta li ral hmaa thehlut turin a ti a, hetah hian sorkarin thupek ti puitling tura a hmalak dan kimchang leh zawhfel hun tur ruahmanna siam dan te tarlang turin a ti a ni. Court sang ber chuan court zawng zawng te pawh rualban lo te tlawh pawh theih tura ruahmanna siam turin thupek thar a ti chhuak a, State tin High Court Registrar leh Supreme Court Secretary General te chu hma la ngal turin a ti a ni. Court sang ber hian kum 2017 December ni 15 khan sorkar building zawng zawng leh mipui vantlang hmun pawimawh te chu kum 2019 ah chuan rualban lo te tlawh pawh ve theih tura buatsaih turin thupek a lo siam tawh a, he thupek hi The Rights of Persons with Disablilities Act 2016 tlawh chhana siam a ni.