Social Welfare Minister Dr. K. Beichhua’n ZONET a hrilh danin Jordan Center ti liana tichangtlung turin Mizoram sorkarin cheng vbc 10 a ruahman a, plan leh estimate pawh siam a ni tawh a, Building awmsa te chu siam \hat hna thawh nghal a ni ang. Mi tam zawk enkawl theihna turin a bula Agriculture leh Horticulture Departmnet ram chu lak belh a ni tih Pu Beichhua chuan a sawi a, an tum anga thil a kaltluan chuan kumin April emaw May thla emaw a\angin ruihhlo ngaite enkawl hna \an hman an inbeisei tih a sawi.
Jordan Center a lut tur te chu an hriselna endik hmasak an nih tur thu te, mithiam bikte kaihhruaina hnuaiah an thlarau nun lam thlenga enkawl an nih tur thu te, eizawnna tlak thiamna an neih theihna tura zirtirna pek an nih tur thu te Pu Beichhua hian a sawi.
Se\hawn Jordan Center tihchangtlunna tur hian sorkar laipuiin cheng vaibelchhe 7 nuai 73 an pek tur thu tunhnaia Social Justice & Empowerment Minister a hmuh \umin a lo hrilh tih Pu Beichhua hian a sawi a, Jordan Center bakah hian Mizorama ruihhlo ngaite enkawlna hmun dangte pawh Mizoram Drug Treatment leh Rehabilitation Centre Accreditation Rules, 2019 hmangin mumal taka enkawl chhoh an ni dawn tih a sawi.
