Thuchhuah an siamah ZPM chuan, Poshan Abhiyaan project hnuaiah hian District Coordinator Post 3, District Project Assistants Post 3, Block Coordinator Post 8 leh Block Project Assistants Post 8, a vaiin post 22 a awm nia sawiin, heng hna diltute hian kumin february ni 9 khan written exam an nei a, written exam result chu February ni 14-ah tihchhuah a ni a, written exam-ah hian mi 54 an tling a, heta tlingte chu Zuangtuia NIELIT-ah February ni 19 khan computer test nei tura hriattir an ni a, hei hi chhan engemaw avanga \hulh a nih hnuah ni 23-ah exam tura tih an ni a, hetah hian written exam a tling mi 54-te bakah computer test nei tur hi 20-in an pun belh a, a tira written exam-a tling zinga mi ni lo mi thar 20 te chu computer test bakah personal interview nei tura koh an ni a, hetia an pun belh tak avang hian thil dik lo a awm nia ngaiin sawiselna a nasa hle a, interview tura hun ruat February 25 chu chhan engemaw vangin \hulh a ni leh ta a ni. Hemi hnu tun thla ni 8 khan Zonet leh DDK Aizawl-ah hriattirna tichhuakin, he hna lakna tura written exam leh computer test neih tawh zawng zawng chu cancel a nih thu tihchhuah a ni a, hetianga written exam-a tling lo mi 20-te vanga written exam paltlang tawhte thiltih cancel a ni chu \ha lo an tih thu sawiin, tute emaw an duhsak zawngte dik lo taka lak tumna vanga hun leh tha leh sum leh pai tam tak senga dik taka tlingten an tuar chu ZPM General Headquarters chuan a dem takzet tih an sawi a, Written exam paltlang mi 54 te a\ang ngeiin heng hnaruak 22 te hi hnawhkhah ZPM chuan a phut a ni.
