Hemi chungchanga ZONET zawhna chhangin Social Welfare Minister Dr K Beichhua chuan, District Co Ordinator, Block Corodinator, Block Assistant leh District Project Assistant hna lakna tur atana Personal interview tura koh danah thil dik tawk lo awm anga lang chu Social media a\angin a hria niin a sawi a, Department hotute chu thil awmdan a zawhfiah nghal thu leh written result chu a hriatpui loha tih chhuah a nih thu a sawi a, thil fel tawk lo awm nia a lan avangin vawiin a interview tura kohna siam tawh chu tiam chin awm lovin a cancel tir niin a sawi. He thil hi a ngaithutak hle tih sawiin Dr K Beichhua chuan dik taka hnalak chu a duhdan a nih thu leh amah pawh a inrawlh loh thu a sawi a, zirchian phawt a nih tur thu sawiin chumi hma chuan hnalak tuna hnalakna tura tih chu kaltlangpui a ni dawn rih lo a ni a ti.
Social Welfare Department hnuaia District Co Ordinator 8, Block Corodinator 8, Block Assistant 8 leh District Project Assistant 3 hnalakna tur atana Personal Interview tur koh chungchangah thil dik lo awm niin tunhnai khan social media hrang hrangah thu thehdarh a ni a, he thil hi Minister in a hrait veleh vawiin a personal interview tura kohna siam tawh chu Social Welfare Director hmingin tiamchin awm lova Cancel-na hi karkalta inrinni khan tihchhuah a ni ta a ni.
