Hemi hmanna inkhawm Vanapa Hall kawta neihah Social Welfare Director, Pi Laldikkimi’n he ni hi hman a \ulna chhan a sawifiah a, India ramah hmeichhe naupangten khawtlangahte zirna lamah leh faina leh hriselna lamah te an chan tur ang an chan theih nan he ni hi mipuite zirtirna atan hman a ni a ti a, naupangte humhalh nan leh venhim nan Juvenile Justice (Care and Protection of Children) Act 2015 leh POCSO Act bakah hmeichhiate humhalhna, Protection of Women from Domestic Violence Act 2005 siam a nih thute sawiin, hmeichhe naupang bik tan anmahni venghima, \ha taka enkawlna turin Beti Bachao, Betri Padhao tih Scheme hman a nih thute, hei hi Mizoramah chuan Siaha leh Serchhip District-ah hman a nih thute a sawi a ni. Hemi hnu hian Aizawl Thunders kaihhruaiin mipui ten Millenium Centre pangin kawng an zawha, Millenium Centre a inkhawma Pu Lalnghinglova Hmarin hmeichhiate dinhmun siam\hat sak a \ul thu a sawi a, hmasawn tur chuan hmeichhiate ngainep lova dawmkan zel a \ul thu a sawi a ni.
