State Level Task Force (SLTF) chuan Home Ministry ruahmanna zulzuiin lockdown thawhhnihna kalpui dan tur Chief Secretary hovin an siam a, inkaihhruaina an siam dan chu hetiang hian a ni.
- Ramri khar chhunzawm zel tur a ni a, a vên lam pawh khauh zel a ni ang. Vairengte leh Bairabi kaltlang kawngpui chu bungraw phur lirthei, veivah phalsak chinte tan hawn chhunzawm a ni ang. Zin veivak lirthei kal phal a ni lo. Nitin mamawh phur lirtheite tan phalna hranpa neih a ngai lo a, Vairengte SDO (C) emaw, Bairabi SDC hnenah declaration an thehlut ngei ngei tur a ni a, thir, cement, leirawhchan, balu leh insakna bungraw dang la lut turte chuan Home Department-ah phalna an la tur a ni.
- State chhunga thil siam, ran vulh leh thlai thar reng reng DC phalna-in thawn chhuah theih a ni a, bungraw chet vel chhinchhiah leh chhuizui theihna tur mobile application siam a ni ang a, ruahmanna thar siam leh a ni ang.
- Midangte nen inhlat chungin a hnuaia mite hi phalna hran lak ngai lova an chetvel phal a ni;
a) Damdawiin leh tar leh upa, mahni in enkawl thei lo te enkawlna hmun, damlo enna clinic hrang hrang, damlo enna laboratory hrang hrang, vaccine pekna, OST centre, ART centre, ambulance service, blood bank leh damdawi dawr
b) Ran entirna damdawiin, vaccine pekna, ran damdawi pek chhuahna, ran clinic, sahuan, ran no enkawlna hatchery hrang hrang
c) Agriculture, horticulture, sericulture, animal husbandry leh fisheries hna leh a kaihhnawih thlai chi, lei ṭha, ran chaw leh hmanraw zawrhna dawr
d) Bank, insurance, ATM leh dâk, thisen pekna camp leh service
e) Kohhran office a hnathawk pawimawh zual kohhran office hotu berin lehkha a siamsak te
f) P&E hnathawk, PHE leh mimal tui chawi ṭhinte, sanitation lam hnathawk – hmunphiat leh bawlhhlawh paih te huamin, telecommunication, internet service, broadcasting leh cable service
g) Petrol/Diesel filling station, LPG
h) Fair Price Shop/Ration dawr
i) Nau pai, nausen pawmlai leh naupang te hnena nutrition (chaw ṭha) sem
j) Bawnghnute lakkhawm leh a sem
k) MGNREGS, MPLAD leh MLALAD hnuaia hnathawh
l) Print leh electronic media, chanchinbumite, journalist-te leh, chanchinbu sem
m) Bungraw load leh unload hna. - Zirna in leh Sakhaw hrang hrang biakin zawng zawng khar chhunzawm tur a ni. Board exam la zawhfel lohte Sorkar ruahmanna anga kalpui tur a ni.
- Intawllena hmun zawng zawng – park, picnic spot, movie theatre, gym, community hall, restaurant, shopping complex, mall zawng zawngte pawh khar chhunzawm tur a ni.
- Mithi vuina ah mi 20 (Sawmhnih) aia tam punkhawm phal a ni lo.
- State dang emaw, district leh district inkara zin veivah khap a ni a, chhiat tawh thilah thisen zawmpui chhungkaw hnai zual bik chu phalsak theih an ni a, damlohna avanga zin ngai an awm chuan DC an hriattir tur a ni a, Local Level Task Force-te phalnain an zin thei ang.
- Lockdown chhunga mipui vantlang tana inkhuahkhirhna;
a) Mi 5 (panga) aia tam punkhawm khap tlat a ni
b) Ṭul bik thil – damdawi lei, buhfai/ration lak, chawhhmeh leh ei tur lei tura chhuah lawk – tih loh ah chuan pâwn chhuah loh tur a ni
c) Kum 65 leh a chunglamte leh taksa hriselna lama harsatna neisate inkharkhip tur a ni a, loh theih lohah bak chhuah loh tur a ni
d) Pâwn chhuak tur leh damdawi in a kal tur reng reng chuan hmai an tuam tur a ni
e) Vantlang hmun leh dawra kal reng rengin midangte hlat tur a ni a, metre 1 (khat) tala inhlat tur a ni
f) Phalna neia dawr hawn reng reng tlai dar 5:00-ah khar vek tur a ni
g) LLTF/VLTF te’n an bial chhung ṭheuha an hmalaknate chhunzawm tura beisei leh ngen an ni (An kalphung tur chu Disaster Management & Rehabilitation Department in Circular No.B.13021/101/DMR-2020 dated 25.03.2020 hmanga inkaihhruaina a chhuah, “Standard Operating Procedure (SOP) for Local/Village Level Task Force” ang zelin hma lak tur a ni)
h) LLTF/VLTF member leh volunteer zawng zawng te mcovid-19 mobile application a in register vek tura tih an ni - A hnuaia sorkar department hrang hrangte hi a pangngaiin an kal reng ang (hnathawk ti tlem lovin);
Health service hrang hrang, Police, Home Guards, Civil Defense, Fire & Emergency Services, Disaster Management, Civil Aviation, Prisons, Excise & Narcotics, Municipal Services, Forest field works, PHE, P&E. - A hnuaia sorkar department-te tan hetiang hian inkaihhruaina siam a ni;
Secretariat, Directorate, District Administration, Field Office dangte –
• Group A & B officer te chu dan pangngaiin office kal vek tur a ni
• Group C & D staff te hmun thuma ṭhena hmun khat zelin an in kal chhawk ang.
• Secretary, Head of Department emaw Head of Office ten inkalchhawk dan tur an ruahman ang
• A tul dan a zirin Group C & D staff te hmun thuma ṭhena hmun khat aia tam pawh kal turin an ruahman thei ang
• Office chhungah phalna la hmasa lovin pawnlam mi kal phal a ni lo (hemi atan hian phone in emaw an hmuh duh te phalna an la phawt tur a ni) - Hmasawnna atana hnathawh ṭul – retaining wall/drain/kawng siam, building sak, kawng laih, lei dawh leh chutiang kawnga hmalaknate chu hna awmna district DC remtihnain chhunzawm phal a ni a, labour awm sate chauh rawih tur a ni.
- Loneitu leh huan neitute, ran vulhtute, sangha dil neitu te leh an hnathawkte chu phalna hranpa lak ngai lovin an hna thawh phal sak an ni a, hmun khata mi 5 (panga) aia tam awmkhawm erawh chu khap a ni.
- Electric siam, Plumber, Mechanic, thing leh cement mistiri leh helpter-te’n Village/Local Level Task Force-te hriatpuina in hna an thawk thei ang.
- DC phalna in quarry a lung lak, block/brick siam, rawra her leh chhut leh thingzaina hmun te hawn phal a ni.
- DC phalna in courier service, e-Commerce leh home delivery service hmanga nitin mamawh, a bikin ei leh in tur, damdawi leh a kaihhnawih thil pe chhuaktute veivah phal a ni.
- Bazar-puiah thlai leh thil dang zawrh khap chhunzawm a ni a, mipui mimirin awlsam taka thlai leh chawhmeh an hmuh theih nan veng hrang hrangah leh hmun tam zawkah chawhmeh lei theihna tur, DC tinte’n ruahmanna an siam ang a, heng hmunte hi VLTF/LLTF ten an lo enpui ṭhin ang.
(with inputs from DIPR Mizoram)
