SIPMIU sum hmanga Aizawl khawpui bawlhhlawh paihna Motor to uchuak taka lei nia sawi chu MNF |halaiten an enfiah a, he thilah hian UD&PA Minister, Pu Zodintluanga chu mawhphurtua an ngaih thu leh bang tura an phut thu an sawi. MNF |halaite hian an Vice President, Pu H. Lalramdinliana leh Treasurer, Pu Lalzahawma hovin bawlhhlawh paih motor hi Aizawl |huampui vengah lo changin, \awih thei leh \awih thei lo phur lirtheite chu lo tidingin an enfiah a, SIPMIU-in heng lirthei a leina zat nia sawi chu a to uchuak hle nia an hriat thu leh he thilah hian thil dik tawk lo inphum ru ngeia an hriat thu an sawi a. An pawl Treasurer, Pu Lalzahawma chuan, Pu Zodintluanga enkawl department hnuaiah Dihmunzawla PHE Building leh Tuizem lian pahnih \hiat turin Tender chhuah lovin cheng nuai 63 chuang hman nia an hriat thu te, Power Sub-Station hmunzawl sa laihna atan cheng nuai 35 chuang sen nia an hriat thu te leh Quarter kawtzawl dawlna tur leh Varandah dona atan cheng nuai 16 chuang hman nia sawi te, hemi a\ang ringawta dik lo taka sum hman belhkhawm chu cheng nuai 115 chuang a tling nia an hriat thu te a sawi a.
Hei bakah hian Taxation Minister a nih laia Zo Carbon Industry lem dintu chu a nupuia laizawn, Dr. Margaret M. Varte a nih thu leh hemi hmanga central subsidy cheng nuai 340 chuang dik lo tak an lakna kawngah pawh khatih laia Taxation Minister ngei nia an hria thu sawiin, Pu Zodintluanga chu Minister ni reng lova an ngaih loh thu a sawi a, bang turin an phut tih a sawi bawk a ni.
MNF |halai Vice President, Pu H. Lalramdinliana chuan, SIPMIU-in to uchuak taka motor a lei chungchang an sawifiahna chu pawm tlak nia an hriat loh thu leh mipuiin thudik an hriat theih nana enfiah ta an ni tih a sawi a. MNF |halai member-te chuan Pu Zodintluanga chu Minister a nihna a\anga bang tura an phut thu an au chhuahpui a ni.
