Siphir \halai pawl, Youth Action for Sihphir Town Development (YASTD) in Sihphir kawng chhe lutuk chungchanga Gauhati High Court-a Public Interest Litigation an thehluh chungchangah court in thlutlukna siamin BRO te kawng siam thuai turin a hriattir.

YASTD hian nikum May ni 3 khan an President, Pu H. Zorempuia hmingin PIL hi Gauhati High Court Aizawl Bench ah an thehlut a, an pawl Secretary Pu Eddie Lalhmangaihzuala hnen a\anga thu dawn danin vawiin khan kawng enkawltu BRO chuan High Court-ah lehkha thehlutin, kawng siamna tura tender chhangtu M/s Nidhi Creative Infrastructure (P) Ltd , Silchar, Assam chu an thlan fel tawh thu leh, work order tih chhuah thuai a nih tur thu an sawi a. High Court chuan July ni 19 ral hma ngeia work order hi ti chhuak turin a hriattir a ni.

BRO hian Sihphir Venghlun Presbybetrian Kohhran Biak in a\anga Hmar lam km 27.63 chu Rs.8,87,92,245.00/- sengin an siam dawn a ni.

YASTD hi Advocate, Pu C. Lalfakzuala’n a thlawnin a dinsak a ni.