Sinai Peninsula-ah bomb puak, sipai 18 thi

Egypt rama Sinai Peninsula bialah nimin khan bomb hmanga inbeihna a thleng a, Egypt sipai 18 an thi a, Islamic State mi firfiak pawlin hei hi an tihah an chhal. He inbeihna hi North Sinai province khawpui, Arish-a thleng a ni a, thi zinga mi pahnih hi sipai officer an ni a, mi firfiakte hian ral a\anga tihpuah chi, tualchher bomb hmangin sipai motor pathum leh motor dang pakhat an bei a, hemi hnu hian sipaite leh mi firfiakte hi inbei an inbei zui ta a ni. Mi firfiakte hian damlo phurhna, Ambulance pawh an kap a, mi pali vel an hliam a ni. IS mi firfiak pawl chuan a thuthar theh darhna, Amaq new agency hmangin he pawi khawihna hi an tihah an chhal a, Sinai Peninsula-ah hian Sunni Muslim hel pawlte chuan Egypt sorkar sipaite leh police-te lakah beihpui an thlak fova, kum 2013-a Egypt President, Mohamed Mursi-a paih thlak a nih hnu khan sipai leh police tam tak thah an ni tawh a ni.