Sikkim chhim lam district-a ruah sur nasa avangin vawiin khan lei a min a, mi 5 vel an thi a, mi dang 2 an hliam. District hotute sawi danin, tukin dar 2 vel khan lei minin chenna in pakhat a hnawl avangin mi 3 an thi a, mi dang 2 an hliam a, zing dar 3 vel khan Kateng Namphok Rateypani-a Uppar Bokrong bialah lei min avanga in chimin mi 2 a chhilh hlum bawk a ni. SSP, Pratap Pradhan-a chuan Namchi Police Station-ah he chhiatna thleng ngaihvenna tur hmun siam a nih thu a sawi a, district Bawrhsap, Raj Yadav-a chuan chhanchhuah hna thawh mek a ni tih sawiin, hmun him zawkah mi eng emaw zat sawn chhuah an ni tawh tih a sawi bawk.
Chanchin Thar Sikkim chhim lama lei minah mi 5 thi
