Kum 1984-a PM, Indira Gandhi kah hlum a nih hnua Sikh mite kut thlak an nih kaihhnawih thubuai 186 chhui zuitu tur, member pathum awmna, special investigation team hruaitu atan Supreme Court-in Delhi High Court judge hlui, S.N. Dhingra a ruat a, heng thubuai te hi chhui zui leh ngaihtuah awm mumal lova tihtawp nia sawi a ni. Justice Dhingra b^kah hian court sang ber chuan IPS officer thawk lai, Abhishek Dular leh IGP hlui, Rajdeep Singh pawh he SIT member atan hian a ruat a, Chief Justice, Dipak Misra leh Judge dang – A.M. Khanwilkar leh D.Y. Chandrachud awmna bench chuan he SIT hi a thil hmuh dan, thla hnih chhunga thehl<t tura a tih rualin, March ni 19-ah he thu hi ngaihtuah chhunzawm a nih tur thu a sawi bawk. Justice Dhingra hian thubuai langsar tak tak, Congress President hlui, Sonia Gandhi-i makpa, Robert Vadra-a ram neih dan fel lo nia chungchang chhui tura Haryana sorkarin one man commission a din pawh a lo kaihruai tawh a, Parliament beihnaa inhnamhnawih, Afzal Guru, thi tura a chungthu relsaktu pawh kha Justice Dhingra hi a ni.
Chanchin Thar Sikh mite kut thlak an nih kaihhnawih thubuai 186 chhui zuitu tur...
