He chawimawina dawng tur hian Modi leh Macron-te hi International Solar Alliance, ISA kaltlanga an hnathawh vanga thlan an ni a, Modi hnenah hian vawiin khan UN General Secretary Antonio Guterres chuan New Delhi-ah a hlan a ni. Modi-a’n he chawimawina hi a dawng dawn tih September ni 26-a UN khawmpui-ah khan puan a lo ni tawh a, UN thuchhuak chuan International Solar Alliance hnathawh bakah kum 2022 hmaa India rama plastic hman tawh loh tuma hna a thawh \hat vangin Modi chu chawimawi phu an tih thu a tarlang a ni.
International Sollar Alliance hi kum 2015 khan Modi hian a ruahman \an a, kum 2016 November thla khan a ruangam siam \an leh a ni a, ram 121-in an zawm nghal a, tuialhthei rinchhan tlem hret hret tur leh ni zung chakna nasa zawka hman dan tur an ruahman bakah helam kawngah hian hna an thawk nasa hle a ni.
