He zir honaah hian sik leh sa inthlak danglamin lo neih leh thlai chin bakah chhiatna hrang hrang a thlen dan leh tui hna thlenga a nghawng dan zir ho a ni dawn a, hetah hian India ram hmun hrang hrang leh Mizorama mithiam bikten an zirtir \hin dawn a ni. He Training hi Mizoram Science, Technology and Innovation Council hnuaia Mizoram State Climate Change Cell, Administrative Training Institute, New Delhi-a NABARD Consultancy Services leh Indian Himalayas Climate Adaptation Programme-te \ang ho buatsaih a ni a. Vawiina a hawnna inkhawmah hian Mizoram Science, Technology and Innovation Council-a Chief Scientific Officer, Dr. R.K. Lallianthanga leh Indian Himalayas Climate Adaptation Programme Team Leader, Dr. Mustafa Ali Khan-a’n thu an sawi a. ATI Joint Director, Pi Angela Zothanpuii’n climate change chungchanga State Climate Change Cell leh ATI thawh ho dan leh an hmalak zui dan tur ruahmannate a sawi a. NABARD Mizoram Regional Office-a General Manager, Pu R.K. Srivastava leh Bangalore-a Indian Institute of Science a\angin Professor N.H. Ravindranath-ten thu an sawi bawk. He zir honaah hian District hrang hranga Line Department aiawh mi 35 an tel a ni.
