Lawngtlaiah chuan Central Young Lai Associationin a lawmna inkhawm Central YLA khelmuala neih an remtih loh avangin Lawngtlai Bawrhsap Pu N. Chakhai chuan a pisa tualah hnam puanzar a pawtpharh a, he inkhawmah hian DC Officea thawkte, SP Officea thawkte, Office danga thawk an hotulute an tel a, hnam hla an sa bawk a ni.
Lungleiah chuan tukin dar 7 khan DC Office kawt zawlah Additional DC Pu Benjamin Lalzama’n hnam puanzar a pawtpharha, officer kalkhawmten hnam hla, National Anthem an sa a, hemi bak chu thiltih dang a awm lo a ni.
Serchhipah chuan DC Pisa tualah Republic Day lawmna inkhawm vawiin chawhma dar 11 khan neih a nia, hetah hian Bawrhsap, Pi Sangchhin Chinzah chuan Hnam puanzar a pawt pharha, he tah hian DC Office a thawk Officerte, Police Officerte leh Media mite bak kal an awm lo a ni. angin NGO Coordination Committee ruahmanna lo siam lawk tawh angin tlawmngai pawl hrang hrang hruaitute leh member te chu DC Office pengah an awma, mipui kal lo turin an ngen avangin a lawmna inkhawmah hian Sorkar Officer tih loh chu kal an awm lo a ni. Kum danga tih \hin, a lawmna inkhawm neih zawha DC Quarters a At Home neih \hin pawh kumin hian neih a nilo a ni.
Champhaiah chuan Republic day lawmna hi tukin dar 8 khan DC Pisa tualah neih a nia, hetah hian District Bawrhsap Dr. Naveen Aggarwal chuan hnan puanzar a pawtpharha, thu sawiin Bawrhsap chuan Republic day chu India danpui hman a nih hriat rengna ni a ni tih sawiin a duang chhuaktu Pu B.R Ambedkara hna thawh ropui tak chu hriat reng a pawimawh thute, ram chhunga awm hnam hrang hrang, sakhaw hrang hreng betute inkara inunauna leh inpumkhatna leh khua leh tui \ha an nih theihna chu ram danpui neih \hat vang niin a sawia, hmun hrang hranga awmte chu inpumkhat a \ul tih a sawi bawk a ni. Champhai Bawrhsap chuan Champhai District chu Myanmar ramri depa awm a nih avangin ruihhlo leh thildang dan phal loha tawlhruk tam tak awm te chu ngaihthah mai tur a ni lo tih sawiin, a do kawngah sorkar thlawp turin mipuite a ngen a, ram leh mipui tana an tih theih ang apiang ti turin mipuite a ngen bawk a ni. Champhaia Republic Day lawmnaah hian DC Officea thawkte leh SP Officea thawkte bak midang kal an awm lo a ni.
Kolasibah chuan Republic Day lawmna hi DC Pisa tualah mi tlemte in an neia, he inkhawmah hian Bawrhsap Dr Arun T chuan hnam puan zar a pawt parha, DC Office a thawkte leh Police ten hnam hla an sa a, chumi bak chu Programme dang neih belh a awm lo a ni.
Mamitah chuan tukin khan DC Office tualah Bawrhsap, Pu Vanlalngaihsaka’n hnam puanzar a pawtpharh a, he inkhawmah hian DC Office leh SP Officea Officer te an tel a, Civil mi te erawh chuan NGO Coordination Committee ngenna ngaipawimawhin he ni lawmna hi an boycott a ni.
Kawnpuiah pawh SDO (Civil) Office complexah Republic Day lawmna Hnam puanzar pawhpharh a ni a, programe dang erawh chu neih a ni lo.
Saitualah chuan SDO (Civil) Pu R Vanlalsawma’n a Pisa tualah tukin dar 6:30 khan Hnam Puanzar a pawt pharha, he inkhawmah hian Police Officerte bak Civil mi tel an awm lo a ni. NGO Coordination Committee chuan hmun dang ang bawkin Citizenship Amendment Bill2016 Rajya Sabha a pass a nih loh nan an ngenna thlawp turin mipuite an ngena, an ngenna hi mipui ten \ha takin an thlawp a ni.
Darlawnah pawh Joint YMA meetingin Republic Day lawmna boycott a lo rel tawh angin boycott a nia, YMA hruaitu dutyte chu mipuiin an thlawm \ha hle a, Rural Development Block Office kawtah Darlawn DFO Pu Lallianzuala’n hnam puanzar a zar erawh chu rem tih a ni.
Tlabungah chuan ramri vengtu Border Security Forceten border outpost hrang hrangah Republic Day an lawm a, Tlabung khaw chhung bikah erawh chuan tukin dar 7 khan SDO (C) Pi V Lalmuanpuiin a pisa tualah hnam puanzar a pawtpharh a ni. Hetah hian Police leh sorkar officer te chauh an tel a ni. Tlabungah pawh hian NGO Coordination Committeein ngenna a siam ngaipawimawhin he ni lawmnaa tel tum hnamdangte pawh tel lovin an kir leh a ni.
