Siaha a\anga thudawn danin, he Petrol liter 12,000 hi Oil Tanker AS – 01 GC 7483-in tun thla ni 25 khan challan no. 18743620 hmanga Silchar Depot a\angin a phurh chhuah a ni a, driver hi Assam-a Rammanipur khaw mi, Pradip Chasa a ni a, motor neitu hi Rama Filling Station a ni. Driver hian Challan-a Petrol tam lam leh nihphung in ziak chu a siam danglam a, hemi ang hian a Petrol phur chu a khawih chingpen nia hriat a ni. He thila mawhphurtua puh Pradip Chasa hi Siaha Police hnenah hlan nghal a ni a, The Legal Metrology Act, 2009 leh High Speed Diesel (Regulation of Supply, Distribution and Prevention of Malpractices) order 2005 hmangin thubuai siamsak a ni. Siahaa Legal Metrology hian mipuiten dik leh \ha taka an chanvo an chan theih nan Siaha khawpuia tuialhthei leh eirawngbawlna Gas lakluhte chu mipui hnena sem a nih hmain an endik hmasa \hin a, Mara Autonomous District Council hnuaia LAD Deptt. leh Legal Metrology \ang dun pawhin tunlai hian sa buk dik chauh mipuiin an lei theih nan hma an la mek bawk.
