Siaha District MNF President, Pu N. Viakhu-a’n Mara Democratic Front (MDF) nena an thawhhona an titawp ta niin a sawi. He thu hi vawiin khan Siahaa an Party Office-ah thuthar thehdarhtute hrilhin Pu N. Viakhu chuan an thawhhona tihtawp a nihna chhan chu MDF-in BJP nena inzawm an duh vang niin a sawi a, an Party President, Pu Zoramthanga’n nakkuma Mizoram Assembly inthlanna tura \angruala chuh ho a rawtna pawh chhangin, MNF nen an thawh dunna chu an chhunzawm thei lo tih an hrilh niin Pu N. Viakhu chuan a sawi a ni. Pu N. Viakhu chuan nakkuma Mizoram Assembly inthlanna neih turah MNF chuan Siaha biala an party candidate atana tuna MLA ni lai Dr. K. Beichhua chu an dah leh dawn niin a sawi a, Palak bialah erawh chuan an candidate tur a la sawi theih loh niin a sawi a ni.
