Siaha District pumah nimin khan Mara |halai Pawl, Mara Thyutlia Py (M|P) din champha vawi 63-na lawm a ni. He ni hi kum danga lawm \hin dan angin M|P Branch hrang hrangte chuan anmahni Branch \heuhah khawtlang tana thil pawimawh tih nan leh intihhlim nan an hmang a, veng tam ber chuan faina beihpui thlakin an veng chhung thenfai nan leh ram leh mipuite tana inhmang tura infuih tharna ni atan an hmang a ni. Branch \henkhat chuan mi inphalte sum thawh khawm hmangin mi harsate an \anpui a, Branch \henkhat chuan intihhlimna leh infiamna an buatsaih bawk. Siaha khawpuia Council veng chuan M|P day lawm nan leh an Branch kum 25 tlin, Silver Jubilee lawm nan an hmang a, Silver Jubilee lung an phun bawk a ni.
Siahaa New Colony erawh chuan he ni hi lungawi loh entirna ni, Black day atan an hmang thung a, M|P Hqrs. hruaituten an Branch berawn lova an Branch huam chhunga Branch thar an hawn avanga lungawi lo an ni. M|P Day lawmna hmun hrang hranga neihah Hqrs. hruaitute chu an insem darh a, President, Pu PP Zalena chuan Chholo Branch-ah a hmang a, Senior Vice President, Pu Martin L. Nohraw chuan Chheihlu Branch-ah a hmang a, General Secy., Pu C Siatha chuan Tuisihah a hmang a ni.
