Siaha District-a mipuite vote thlak dan zirtir turin District Mobile Polling Stations Van vawiin khan tirh chhuah a ni a, Election Officer Siaha District Pi B. Malsawmtluangi’n DC Office Complex atangin a vailiam.

Mizoramin Inthlanpui a hmachhawn turah Polling station tinah VVPAT hman tur a nih thu Election officer chuan a sawi a, he khawl hmang hian vote thlaktuin a vote ngei kha khawlin a chhinchhiah a ni tih a hmu thei nghal dawn a ni, a ti. Mobile Polling Station Van hian District puma polling station zawng zawng a tlawh chhuak dawn a, mipuite hnenah EVM hmanga vote thlak dan zau taka zirtir an ni ang. Tunah hian Siaha district-ah Polling station 79 a awm mek a. Mobile Polling Station Van hi ni 40 chhung a tlan kual dawn a ni.