Siaha Bawrhsap, Pu Bhupesh Chaudhary-a’n vawiin khan Siaha District Civil Hospital leh Hospital building sak lai te a tlawh a, Civil Hospital sak mek hi July thlaah zawhfel beisei a ni.

Bawrhsap hi Hosiptial Superintendent, Dr. Lalrosanga’n a lo dawngsawng a, an hmanraw neih te leh an hnathawh dan te a enpui a ni. Dr. Lalrosanga chuan Civil Hospital-in harsatna hrang hrang an neih te Bawrhsap hi a lo hrilh a ni. Siaha District Civil Hospital-ah hian khum 45 a awm a, Doctor 12 leh Staff Nurse 29 an awm bawk a ni.