Thla thar, January ni 18 a\anga sentut venna beihpui, Siaha District pum huapa thlak tur training chu vawiin khan Siahaa I&PR Conference Hall-ah neih a ni a, bialtu MLA, Dr. K. Beichhu-a chuan kum 2011 khan zeng hri chu India ram a\angin um bo a ni tawh a, sakawr-ek-hrik Tetanus natna pawh kum 2015 khan um bo a lo ni tawh a, tunah hian Sentut um bo tur leh sentut chi dang Rubella pawh khuahkhirh turin sorkar laipui leh WHO-in \an an la mek a, heng natna te hi kum 2020-ah um bo tum niin a sawi a ni. Sentut venna MR Vaccine hi naupang thla 9 a\anga kum 15 thleng pek tur a ni a, Mizoram pumah he vaccine la thei mi 3,92,902 an awm nia chhut a ni. He Training-ah hian Siaha District-a Doctor te leh Health Deptt.-a hnathawktu dang bakah Mara Autonomous District Council leh School Education Deptt.-a thawkte, Social Welfare Department leh ICDS hnuaia thawkte an tel a ni. He training-ah hian Lunglei leh Siaha District bialtu Rapid Response Team hotu, Dr. B. Thirumala Rao pawh a tel a ni.
