Siahaa chapchar kut hmannaah hian Pu A. Zakia, Padma Shri chu Kutpa a ni a, DRDA Project Director, Pu T.Vanlalmalsawmsanga’n Kut hi a thleng a ni.
Kutah hian Siaha District-a School hrang hrang zirlaiten Pawnto an entir a, MUP, MCHP, LWA, MHIP, MTP, YLA, YMA leh MGF te bakah Siaha Dancer Association, Next Generation leh D-Trix ten lam chi hrang hrang an entir a, zaithiam te an zai bawk a ni.
Siaha chapchar kut hmannaah hian kut miss atan Nl. Malsawmtluangi Ralte, New Colony ami chu thlan a ni a, hnam incheia inchei nalh ber mipa leh hmeichhia thlan an ni bawk. Kut puala essay inziahsiakna lawmman pawh sem a ni bawk.
